Vaye şevek din qediya

Heyveron winda bû

Û stêrk xuricîn..

Fecra sadiq dipêm

Lê fecr ne sadiq e..

Derewîn e ya ku dertê..

Li aliyêkî şevê dijîm,

Lê hêj çavnêriya fecrê dikim..

Bi hêviya ku ya sadiq derê..

Ez rêwiyê wersiran

Peyrewê dilketiyan

Warisê xemkêşa me îşev..                          

Bendewarê ronya xêrê

Hêvîdarê rehma jorê

Dildarê xwezî bi gorê me cardin..

 Şevên me mîna jangeha ne

Ruh disincirînin, dişewitînin

 “Şeva zulmat û deryayê

Ji mewcan qet xeber nayê

Şikestî keştiya bayê

Ecacê wê şefeq dayê

Ji rojan mah û salê ma

Nehat der şiklê falê ma

Kuca danendê halê ma

Sibikbaranê sahilha”

Di şevên bêdeng û zulmatê de

Bîrkirin û bîranînê hizir dikim

Xem û keser li min peyda dibin

Di şûna kêfxoşî û şanaziyê de

Pêlekê diçim seyrangehê

Rastî gotinên sêhrîn

Yên li ser muhbetê têm:

“Aşiqê sadiq ewe ê ku di rêya dilberê

Ger ewî  bînin bi ker kin neşkêne peymaneyê

Karê şem’ê her şewat û muhbet û sohtinî ye. ”

04:18 

25.12.2009